【新國家New Country 】
【新國家New Country 】
阿雞 GLOJ / 顏冠希JY / 金其禾Dudu King
阿雞GLOJ-
有人想欲功名四界風神 所謂臭政治
閣有人追求鞏金一堆胡蠅 死攏死袂去
你欲講啥物光明啥物光榮 莫出一支喙
拜託一定愛相信支援勇氣路就一條直直
一直行佇自由路上 你是男子漢
用喙推動國家進步大餅恁爸無稀罕
我就是生佇台灣這片土地相對較敏感
莫濺潲 啥物坎 siáng比siáng 較勇敢
陳復志講228時伊若無管會死足濟人
拷打時 就算知嘛袂講 致敬張雲昌
Let me stand up like a Taiwanese
敢做敢擔當的 態度 民主戰士黃文雄
生佇台灣認同台灣驕傲頭殼攑予懸懸
就算死佇台灣毋願投降前輩陳智雄
歡迎加入咱的隊伍向前 𤆬頭鄭南榕
逐家正手攑予懸 新國家運動
顏冠希JY-
予人蹧躂的幾百年來
笑聲佮目屎 懸山佮大海
若認真講起來 咱閣咧忍咧
這新的社會 新的笑話 新的團體 新的少年家
的自由戀愛的苦的甜的疼 彼攏是真的
毋是假的 彼故事像電影咧搬的
劇本是用血來寫的
遮的 老的小的 看著銃子彈過
穿西裝的 咱的叔的 佇畫圖咧
倒咧門板頂的屍體
後壁是伊牽的 佇咧牚咧
死目毋願瞌 月娘嘛怨慼
無人收的骨頭仔 狗仔咧齧
親像肉鯽仔凊彩人夾
坐船來的紅毛的唐山的客家的泉州的漳州的
咱的祖公仔是用青春佮生命去換來的
咱的自由是用棍仔摃的 皮鞋蹔的 水銃沖的
國外覕咧家破人亡哭甲青盲的目睭閣金金看咧
這个 熱情的善良的攑香的拜拜的
種王梨佮弓蕉的 美麗的國家
當時會變新的
金其禾 DuDuKing-
這裡不是一條船 你來了沒想待這
踩著土地 在這乞討完
再講些幹的 躺著賺 當爽的官 不爽就關
把槍對善的 望對岸 把這當你跳板
一個一個消失 下個該誰自救？
來回思索 再「被自首」
之後是否還會自由？
在那裡
沒有童話 只有刑求 不停轟炸 沒有盡頭
什麼中華 什麼民國 你怎麼還沒死透？
想著此刻 怎麼會有假的民眾黨
沒有立場 中心思想 講話像是憑空想
還想當領頭羊 你休想 心中想著投機
口氣有點油膩選舉像爭金鐘獎
母親是山母親是海母親是河
我們的世代哪條路線 在這處境適合
曾數不清的不幸不停一犯再犯仍陪著我們呼吸
是我們的母親 名叫台灣
音樂Credit｜
詞曲sû-khik：
阿雞 GLOJ、顏冠希JY、金其禾Dudu King
編曲pian-khik：林漢庭
Scratch：D.J. Kool Klone
錄音師lio̍k-im-su：程鉦文、陳小律 GreenTed
錄音室lio̍k-im-sik：南方錄音室
濫音(混音）師lām-im-su：林漢庭
影像Credit ｜
跤本概念kha-pún kài-liām：Saru
動畫製作tōng-uē tsè-tsok：GN
台文校對Tâi-bûn kàu-tuì：阿東的哩哩叩叩
特別感謝tı̍k-pia̍t kám-siā：
拚場 piànn-tiûnn、邱萬興
【我主張編輯室報導】
阿雞舊年（2023）嘛有來〈我主張––新國家運動〉演唱會表演，表演結束了，有一日，策展人李文政揣阿雞討論，想欲做一塊歌，予少年人接觸國族認同佮主權問題，才有這條〈新國家〉。
阿雞講，這首歌伊按算欲用cypher的方式來創作。不而過揣創作者的時，伊攏愛共人講明，有可能會夆點油做記號，就按呢，拄着袂少的困難。落尾是揣伊個好朋友JY，和一个捌用反送中議題創作，阿雞家己嘛足欣賞的創作者Dudu King金其禾來配合。阿雞家己寫台灣過去台灣人面對威權的勇敢，JY寫2014到2024年台灣的多元包容性，Dudu King用假的民眾黨做例，寫著台灣政壇頂懸濟濟政治佬仔的問題。後製、編曲是誠厲害的製作人Burger Lin，DJ是不止仔出名的少年家Kool Klone。終其尾，伊開總共兩三個月，才揣着這陣人。
「這款議題，若佇國外，講揣無唱Hip-hop的人來贊聲，是無可能的代誌。」阿雞講：「佇中華民國台灣，Hip-hop看起來足興，敢表態的無幾个，這和Hip-hop的精神有重耽。」
往過阿雞大部份的作品是個人創作，這改會揣這濟人鬥陣創作，是因為伊認為新國家運動毋若一款想像，無仝的創作者就有無仝的想像，會當予閣較濟無仝的受眾，有機會認捌這個議題。所致，歌名嘛號做〈新國家〉，阿雞感覺，〈新國家〉比較〈新國家運動〉，畫面有閣較曠闊。
〈新國家〉這條歌，原底拍算選舉進前就愛完成。因為攏愛倚靠線頂作業，訊息往來需要時間，這條歌發表的時間有延延，煞一直拖到228才發表。發表了後，阿雞家己發現歌詞內底有一個嚴重的錯誤愛改正，雖罔是無心的錯誤，阿雞家己是感覺有夠失禮。
猶毋過，發表到今倚一個月，無人共反應這咧錯誤，阿雞笑笑問我：「逐家敢有影對這層代誌有淡薄仔要意？」。我嘛笑笑，無聲無說。
留言
張貼留言